قىرغىزىستاندىكى قالايمىقانچىلىق، پرېزىدېنت سايلىمىغا تەھدىت سالماقتا


2005.06.20
Share on WhatsApp
Share on WhatsApp

فرانسىيە ئاگېنتلىقىنىڭ خەۋەر قىلىشىچە، قىرغىزىسىتاندا كۈندىن -كۈنگە كۈچىيىۋاتقان نارازىلىق ھەرىكەتلىرى، يېقىندا بۇ دۆلەتتە ئېلىپ بېرىلىدىغان پرېزىدېنت سايلىمىنى قىيىنچىلىقلارغا دۇچ قىلماقتا.

خەۋەردە ئېيتىلىشىچە، بولۇپمۇ ئامېرىكا ئەمەلدارلىرى، مارت ئېيىدا قىرغىزىستاندا ئەسقەر ئاقايوف ھاكىمىيىتى خەلق قوزغىلىڭىنىڭ نەتىجىسىدە گۇمران بولغاندىن كېيىن، قىرغىزىستاندىكى دېموكراتىك ئۆزگىرىشلەر توغرىسىدا ئۈمىدۋار ئىكەنلىكىنى بايان قىلىپ كەلمەكتە.

ئۆتكەن ئاي ئۆزبەكىستان ھۆكۈمىتىنىڭ ئەنجان شەھىرىدە ئېلىپ بارغان باستۇرۇش ھەرىكىتى، ئامېرىكا ئۈچۈن قىرغىزىستاننىڭ ئەھمىيىتىنى تېخىمۇ كۈچەيتتى. چۈنكى ئۆزبېكىستان ھۆكۈمىتىنىڭ ئەنجاندىكى باستۇرۇش ھەرىكىتىدىن كېيىن، ئامېرىكىنىڭ ئۆزبېكىستان ھۆكۈمىتى ۋە ئىسلام كەرىموف بىلەن بولغان مۇناسىۋىتى يىرىكلەشتى.

خەۋەرلەرگە قارىغاندا، ئامېرىكا ھۆكۈمىتى قىرغىزىستان ھۆكۈمىتىنىڭ، پرېزىدېنت سايلىمى ئېلىپ بېرىش ئارقىلىق، دېموكراتىك پرىنسىپ ۋە قائىدىلەرگە تولۇق ھۆرمەت قىلىدىغانلىقىنى ئىسپاتلىشىنى كۆتمەكتە. لېكىن 10 - ئىيۇل كۈنى ئۆتكۈزۈلىدىغان پرېزىدېنت سايلىمى ھارپىسىدا قىرغىزىستاندا يەنە نارازىلىق ھەرىكەتلىرىنىڭ يۈز بەرگەنلىكى، بەزى سىياسىي مۇلاھىزىچىلەرنى ئەندىشىلەندۈرمەكتە. (قانات)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت