Qirghizistandiki qalaymiqanchiliq, prézidént saylimigha tehdit salmaqta

Fransiye agéntliqining xewer qilishiche, qirghizisitanda kündin -kün'ge küchiyiwatqan naraziliq heriketliri, yéqinda bu dölette élip bérilidighan prézidént saylimini qiyinchiliqlargha duch qilmaqta.

Xewerde éytilishiche, bolupmu amérika emeldarliri, mart éyida qirghizistanda esqer aqayof hakimiyiti xelq qozghilingining netijiside gumran bolghandin kéyin, qirghizistandiki démokratik özgirishler toghrisida ümidwar ikenlikini bayan qilip kelmekte.

Ötken ay özbekistan hökümitining enjan shehiride élip barghan basturush herikiti, amérika üchün qirghizistanning ehmiyitini téximu kücheytti. Chünki özbékistan hökümitining enjandiki basturush herikitidin kéyin, amérikining özbékistan hökümiti we islam kerimof bilen bolghan munasiwiti yirikleshti.

Xewerlerge qarighanda, amérika hökümiti qirghizistan hökümitining, prézidént saylimi élip bérish arqiliq, démokratik prinsip we qa'idilerge toluq hörmet qilidighanliqini ispatlishini kötmekte. Lékin 10 - iyul küni ötküzülidighan prézidént saylimi harpisida qirghizistanda yene naraziliq heriketlirining yüz bergenliki, bezi siyasiy mulahizichilerni endishilendürmekte. (Qanat)