Қирғизистан парламенти тәшкиллик җинайәтчиликкә қарши гуруппа қурушни қарар қилди


2005.09.25

Өткән һәптидә қирғизистан парламент әзаси баяман әркинбайев өлтүрүлгәндин кейин, қирғизистан парламенти йиғин ечип, баш министир ишханиси қармиғида тәшкиллик җинайәтчиликкә қарши күрәш қилиш гурупписи тәсис қилишни музакирә қилди. Нәтиҗидә бу 52 аваз билән қобул қилинди.

Қирғизистанниң дөләтлик " қабар" агентлиқиниң учуридин қариғанда нөвәттә, қирғизистанда тәшкиллик җинайәтчилик һәрикәтлири әвҗи елип кәткән болуп, заказлиқ өлтүрүшләр давамлашмақта. Бу қирғизистанниң дөләт бихәтәрлики вә җәмийәт аманлиқиға тәһдит елип кәлмәктә.

Парламент баш министир феликис қулупни җинайәтчиликкә қарши күрәш қилиш гурупписиға рәһбәрлик қилишни һавалә қилған һәмдә әркинбайевниң өлтүрүлүш делосини тездин ениқлашни орунлаштурған.

Өткән һәптидә вәзиписидин қалдурулған азимбек бекназаропму өз һаятиниң хәвпкә учришидин әнисрәп йошурунивалған.Бу бир қатар вәқәләр демократик инқилабниң ғәлибисидин кейин һакимийәтни игилигән йеңи һөкүмәтниң хәлқ ичидики тәсиригә қисмән сәлбий тәсирләрни елип келиватқанлиқи илгири сүрүлмәктә. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.