Qirghizistan parlaménti teshkillik jinayetchilikke qarshi guruppa qurushni qarar qildi

Ötken heptide qirghizistan parlamént ezasi bayaman erkinbayéw öltürülgendin kéyin, qirghizistan parlaménti yighin échip, bash ministir ishxanisi qarmighida teshkillik jinayetchilikke qarshi küresh qilish guruppisi tesis qilishni muzakire qildi. Netijide bu 52 awaz bilen qobul qilindi.

Qirghizistanning döletlik " qabar" agéntliqining uchuridin qarighanda nöwette, qirghizistanda teshkillik jinayetchilik heriketliri ewji élip ketken bolup, zakazliq öltürüshler dawamlashmaqta. Bu qirghizistanning dölet bixeterliki we jem'iyet amanliqigha tehdit élip kelmekte.

Parlamént bash ministir félikis qulupni jinayetchilikke qarshi küresh qilish guruppisigha rehberlik qilishni hawale qilghan hemde erkinbayéwning öltürülüsh délosini tézdin éniqlashni orunlashturghan.

Ötken heptide wezipisidin qaldurulghan azimbék béknazaropmu öz hayatining xewpke uchrishidin enisrep yoshuruniwalghan.Bu bir qatar weqeler démokratik inqilabning ghelibisidin kéyin hakimiyetni igiligen yéngi hökümetning xelq ichidiki tesirige qismen selbiy tesirlerni élip kéliwatqanliqi ilgiri sürülmekte. (Ümidwar)