Қирғизистан, парламент әзасиниң түрмидә етип өлтүрүлүш вәқәсини тәкшүрмәктә


2005.10.21
Share on WhatsApp
Share on WhatsApp

Қирғизистан президенти қурманбек бақийеф, бешкәк әтрапидики бир түрмини тәртипкә селиш үчүн барған парламент әзаси тинчбек ахматбайеф вә икки ярдәмчисиниң мәһбуслар тәрипидин өлтүрүлуш вәқәси үстидин тәкшүрүш елип беришни буйриди.

Қирғизистан һөкүмитиниң билдүрүшичә, ахматбайеф вә униң икки ярдәмчиси пәйшәнбә күни бешкәк әтрапидики 31 - нумурлуқ түрмигә барғинида гөрүгә елинип етип өлтүрүлгән. Ахматбайеф қирғизистан парламентиниң бихәтәрлик вә сиясәт комитетиниң рәиси иди. Бәзи мәлуматларда, ахматбайефниң йенидики адәмләрниң алди билән мәһбусларға оқ чиқарғанлиқи ейтилмақта. Қирғизистан даирилири бихәтәрликни чиқиш қилип, түрмидики барлиқ хадимларни түрмидин кәткүзивәткән. Нөвәттә мәзкур түрмини қирғизистан бихәтәрлик қисимлири қоршавға елип күзәтмәктә.

Ройтирс агентлиқиниң хәвиригә қариғанда, қирғизистанда 18 миңдин артуқ мәһбус болуп, түрминиң шараитлири интайин начар икән. Ахматбайеф бу түрмигә наразилиқларни бесиқтуруп тәртипкә селиш үчүн барған икән. Қирғизистан баш министири кулуф пәйшәнбә күни кәчтә түрмидикиләр билән сөһбәтлишип, уларни бир қисим қораллар вә өлгәнләрниң җәситини тапшурушқа қайил қилған.

Қирғизистан әдилийә министирлиқи түрмә башқуруш даирилириниң баянатчиси сергий сидороф нөвәттә вәзийәтниң интайин җиддий болсиму, контрол астиға елинғанлиқини билдүрди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.