Qirghizistanda namayish yüz berdi

Qirghizistanning döletlik "qabar" agéntliqining uchuridin qarighanda, jüme künidin étibaren qirghizistanning paytexti bishkek shehiridiki hökümet we parlamént binasi aldida bir qanche yüz kishi naraziliq namayishi ötküzüp, bash ministir félikis qulopning wezipisidin istipa bérishini telep qilghan.

20-Öktebir küni bishkek yénidiki 31-nomurluq türmige tekshürüshke barghan parlamént ezasi tinichbék axmatabayéw qatarliq tot kishi öltürülgendin kéyin bash ministir félikis qulop, bu türmige kirip, topilang kötürgen jinayetchiler bilen söhbetliship, weziyetni muqimlashturghan idi.

Bu qétim naraziliq namayishi ötküzgenler parlamént ezasi tinichbék axmatbayéwning tughqanliri we terepdarliri bolup, ular qulupni axmatbayéwni öltürüsh bilen munasiwetlik dep qarighan.

Bash ministir félikis qulop, bu eyibleshni ret qilip, özining bu ademlerning telipige bina'en istipagha chiqmaydighanliqini, peqet resmi qanuniy asas we démokratik tertip boyiche istipa bérishke teyyar ikenlikini bildürgen. U yene, özining türmide ölgüchi tinichbék axmatbayéwning tughqanliri bilen körüshüshke teyyar ikenlikini bildürgen.

Tehlillerge qarighanda hazir qirghizistanda qara qollar guruhi bilen hakimiyet arisidiki küresh ötkürleshken bolup, teshkillik jinayetchilikke qarshi turup, jem'iyette xatirjemlik yaritish xelqning jiddiy télip bolup qalmaqta. (Ümidwar)