Qirghizistan sabiq sowét ittipaqi jumhuriyetliridin öz qerzini qayturup bérishni telep qilmaqta


2005.10.30
Share on WhatsApp
Share on WhatsApp

Qirghizistanning döletlik "qabar" agéntliqining uchuridin qarighanda, qirghizistan hökümiti sabiq sowét ittipaqi jumhuriyetliridin yeni baltiq déngizi boyidiki latwiye, litwa we éstoniyelerdin shuningdek yene ukra'iniye, moldawiye we tajikistanlardin sowét dewridin éship qalghan qerzlirini qayturup bérishni resmi telep qilghan. Emma tajikistandin bashqa jumhuriyetler bundaq qerzning mewjut emeslikini éytip, uni inkar qilip, qayturushni ret qilghan.

Éstoniye tashqi ishlar ministiri urmas pa'et qirghizistanning éstoniyidin almaqchi bolghan 84 ming dollar qerz puli heqqide héchqandaq qanuniy asasiy yoqliqini, chünki buni tajawuzchilar peyda qilghan ish ikenlikini körsetken. Uning qarishiche, éstoniye eyni waqitta sowét ittipaqi teripidin ishghal qiliwélin'ghan zémin bolghachqa, buninggha sowét ittipaqi jawabkar bolush kérek, emma tajawuchilardin yeni sowét ittipaqidin qerz telep qilish mumkin emes, chünki hazir u mewjut emes. U yene sowét ittipaqi yimirilish waqtida her qaysi ittipaqdash jumhuriyetlerning buningdin kéyin bir-biridin sowét dewrige munasiwetlik héchqandaq erz we teleplerni otturigha qoymasliqqa pütüshkenlikini körsitip, qirghizistanni sözige ri'aye qilishqa dewet qilghan.

Qirghizistan uchurliridin qarighanda, qirghizistan hökümiti her qaysi sabiq sowét jumhuriyetliridin alidighan 31 milyon 400 ming dollar barliqini hésablap chiqqan, tajikistan qirghizistandin alghan éléktir énérgiyisining heqqi bolghan 2 milyon dollarni, ukra'iniye alghan uranning heqqi bolghan 27 milyon dollarni tölimigen iken. Ukra'iniye bu pulni bermigenliki üchün 2002-yili qirgjizistan ukra'iniyining dunya soda teshkilatigha kirishige qarshi awaz bergen. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.