Qirghizistan prézidénti qurmanbék baqiyéf charshenbe küni qirghizistan da'irilirining türmilerde yüz bergen topilanglarni qoral küchi bilen basturushini aqlidi.
Amérika birleshme axbarat agéntliqining xewirige qarighanda, qirghizistan türmiliridiki topilang, bir parlamént ezasining öltürülüshige chétishliq dep qaralghan 28 mehbusni yötkesh jeryanida kélip chiqqan. Kéyin bu topilang qirghizistandiki barliq türmilerge tézlik bilen kéngeygen.
Qirghizistan alahide heriket qisimliri seyshenbe küni bironiy tankilarning himayiside, topilanglarni basturghan. Bu jeryanda, moldowanowka türmiside ikki mehbus, béshkekning sirtidiki 31 - nomurluq türmide yene ikki mehbus ölgen. Hökümet da'iriliri yene nurghun qorallarni oljigha alghan.
Prézidént qurmanbék baqiyéf, saqchilarning seyshenbe künidiki herikitining hökümetning weziyetni kontrol qilishta muhim rol oynighanliqini bildürdi. U yene, türmilerdiki bu xil qalaymiqanchiliqlarning kélip chiqishida sabiq aqayéf hökümitining mes'oliyiti chongliqini körsetti.
Bu arida,qirghizistan türme séstimisining mes'oli kapar muqayéf,dölettiki barliq türmining nöwette hökümet kontrolliqida ikenlikini hemde mehbuslargha qolliridiki qorallirini tapshurush heqqide buyruq chüshürülgenlikini bildürdi.
Xewerde éytilishiche, seyshenbe künidiki toqunush, qirghizistanning yéngi rehberlirining téxi dölette qanun we tertipni ornitalmighanliqini körsitidiken. (Arzu)
Munasiwetlik maqalilar
- Qirghizistan sabiq sowét ittipaqi jumhuriyetliridin öz qerzini qayturup bérishni telep qilmaqta
- Qirghizistan parlaménti yighin chaqirip nöwettiki weziyitini muzakire qildi
- Qirghizistandiki weziyet jiddileshmekte
- Qirghizistanda namayish yüz berdi
- Qirghizistan, parlamént ezasining türmide étip öltürülüsh weqesini tekshürmekte
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Bextiyar böre: “Men Uyghur, men térrorchi emes, irqiy qirghinchiliqni toxtat”
