Qirghizistanda besh neper islam militani saqchilar bilen bolghan toqunushta öltürüldi


2006.07.14

Besh neper islam jengchisi jüme küni jenubiy qirghizistanning jalal'abad shehiride qirghizistan amanliq küchliri teripidin öltürüldi. Qirghizistan ichki ishlar ministirliqi bayanatchisining eskertishiche, qirghiz amanliq küchliri jüme küni jalal'abad shehiride bir öyge hujum qilip, öydiki 5 neper islam jengchisini öltürgen.

Qirghizistan ichki ishlar ministirliqining bayanatchisi nurdin jan'garayip, dölet bixeterlik idarisi xadimliri we saqchilarning jalal'abadtiki bir öyge yoshuruniwalghan özbékistan islam herikiti teshkilatining diniy esebiy küchlirini qorshiwélip teslim bolushqa chaqirghanliqini bildürdi. U, fransiye axbarat agéntliqigha élan qilghan bayanatida " islamchi militanlar chaqiriqimizgha oq étip jawap berdi" deydu. Uning eskertishiche, özbékistan islam herikitining bu 5 neper jengchisi saqchilar bilen bolghan toqunush jeryanida öltürülgen.

Qirghizistan da'iriliri bu kishiler ötken düshenbe küni bir qirghiz saqchining öltürülüshini we 3 kishining yarilinishini keltürüp chiqarghan étishish weqesi bilen alaqidar, dep qarimaqta. Bu yil 5 - ayda az dégende 4 neper qirghiz we tajikistan chégra mudapi'e xadimi qoralliq unsürlar teripidin öltürülgen. Özbékistan islam herikiti taliban dewride rayondiki aktip qoralliq teshkilatlarning biri idi. Lékin bu teshkilat 11 - sintebir weqesidin kéyin amérikining afghanistan herikiti jeryanida éghir zerbige uchrighan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.