Qirghiz öktichiliri hökümitining tazilash herikitini eyiblidi


2006.08.17

Qirghizistandiki siyasiy öktichiler we kishilik hoquq teshkilatliri qirghizistan hökümitining, qirghizistanning jenubiy rayonida radikal guruppilargha qarita élip bériwatqan tazilash herikitini tenqid qildi.

Asaba partiyisining re'isi we sabiq qirghizistanning bash teptishi ezimbék béknezerof peyshenbe küni qirghizistan béxeterlik organlirini jalal'abad we osh rayonlirida élip barghan heriketliride, kishilerni sewepsiz tutup qanunlarni depsende qilghan dep eyiblidi. Béknezerofning éytishiche, 6 ‏- aghust küni öltürülgen ataqliq imam muhemmet refiq kamalof qatarliq nurghun biguna kishiler qirghiz bixeterlik qisimlirining rayonda élip barghan herikitining qurbani bolghan.

Qirghizistan kishilik hoquq qoghdighuchisi tursunbay baqir'oghli bolsa, qirghizistan bixeterlik qisimlirining osh we jalal'abad rayonlirida élip barghan heriketliride, gumandarlarni tutush üchün ularning öylirige aldin'ala cheklen'gen teshwiqat matériyalliri we qoral yoshurup qoyup, andin ularni tutup qamighanliqini ilgiri sürmekte.

Bék nezerof we baqir oghli peyshenbe küni békshekte bergen bayanatida, qirghizistan bixeterlik qisimlirining bu tazilash herikitini özbékistan da'iriliri bilen hemkarlashqan halda élip barghanliqini bayan qildi. Ular shundaqla ahalisining mutleq köp qismi özbéklerdin teshkil tapqan bu rayonda élip bérilghan tazilash herikiti, étnik toqunushlarni keltürüp chiqirishi mumkin dep agahlandurdi.

Emma qirghizistan milliy bixeterlik kéngishining aliy derijilik xadimi oytalbék osmanof bék nezerof we baqir oghlining eyibleshlirini ret qilip, qirghizistan we özbékistan bixeterlik da'irilirining peqet uchur almashturghanliqini bildürdi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.