Qirghizistan hökümiti, osh rayonidiki islamchilarni teslim bolushqa chaqirdi

Qirghizistan milliy bixeterlik kéngishi, qirghizistanning osh rayonidiki hizbutehrir we türkistan islamiy herikiti dep atalghan özbékistan islami herikiti ezalirini 1‏- séntebir künigiche qorallirini tashlap teslim bolushqa chaqirdi.

Qirghizistan metbu'atining xewer qilishiche, qirghizistan milliy bixeterlik kéngishi teripidin bu munasiwet bilen élan qilin'ghan bayanatda, 1‏- séntebir künigiche qorallrini tapshurup teslim bolmighan militanlarning qattiq jazalinidighanliqi eskertilgen.

Rusiyining inter faks agéntliqi 19‏- awghust küni, qirghizistan bixeterlik kéngishining, qirghizistanning osh rayonida yoshurun'ghan militantlar heqqide hökümetke xewer bergenlarge100‏- ming som yeni ikki ming besh yüz amérika dolliri söyünche béridighanliqini jakarlighanliqini xewer qilghan idi.

Qirghizistan da'iriliri bir nechche hepte burun qirghizistanning osh we jalal'abad rayonidiki islamiy guruppilarning pa'aliyetlirini basturush üchün bu rayonda keng kölemlik bir tazilash herikiti bashlighan. Emma qirghizistandiki siyasiy öktichiler we kishilik hoquq teshkilatliri, qirghiz bixeterlik qisimlirini özbékistan bixeterlik qisimliri bilen birlikte élip barghan bu tazilash herikiti jeryanida bigunah kishilerni islamiy herikiti ezasi dep tutup, urup ularning kishilik hoquqni depsende qiliwatidu, dep qattiq eyblimekte. (Qanat)