قىرغىز ئۆكتىچى تەشكىلاتلىرى قىرغىزىستاندا سىياسى ئىسلاھات ئېلىپ بېرىشنى تەلەپ قىلدى
2006.09.18
قىرغىز ئۆكتىچى تەشكىلاتلىرى قىرغىزىستاندا ئاساسى قانۇن ئىسلاھاتى ئېلىپ بېرىش ۋە پرېزىدېنت قۇرمانبېك باقىيېۋنىڭ ئىككى ئىنىسىنى ۋەزىپىسىدىن ئېلىپ تاشلاشنى تەلەپ قىلدى.
قىرغىزىستان ئۆكتىچى گۇرۇھلار يەكشەنبە كۈنى يىغىلىش ئۆتكۈزۈپ، ئەگەر پرېزىدېنت قۇرمانبېك باقىيېۋ بىر ئايغىچە ئۆكتىچى گۇرۇھلارنىڭ تەلىپىنى ئورۇندىمىسا، باقىيېۋنىڭ ئىستىپا بېرىشىنى تەلەپ قىلىدىغانلىقىنى جاكارلىغان.
پرېزىدېنت باقىيېۋنىڭ ئىنىسى ۋە قىرغىزىستان دۆلەت بىخەتەرلىك ئىدارىسىنىڭ مۇئاۋىن باشلىقى جانىبېك باقىيېۋ، ئۆكتىچىلەر رەھبىرى ئۆمۈربېك تەكەبايېۋنىڭ سومكىسىغا خېروئىن تىقىپ قويۇش ۋەقەسى بىلەن چېتىلىپ قالغان ۋە بۇ ۋەقە جانىبېك باقىيېۋنىڭ ۋەزىپىسىدىن ئېلىپ تاشلىنىشىنى كەلتۈرۈپ چىقارغان ئىدى.
ئۆكتىچى گۇرۇھلار يەكشەنبە كۈنى باقىيېۋنى ئۆز نەپسىگە چوغ تارتىش ۋە خىيانەتچىلىك بىلەن ئەيىپلەپ، ئۇنىڭ خىتاي ۋە بېرلىندا قىرغىزىستان باش ئەلچىسى بولۇپ ۋەزىپە ئۆتەيدىغان ئىككى ئىنىسىنىڭ ھۆكمەت خىزمىتىدىن نيىراقلاشتۇرۇلۇشىنى تەلەپ قىلدى. شۇنىڭ بىلەن بىرگە ئۇلار باقىيېۋنىڭ ئاساسى قانۇن ئىسلاھاتى ئېلىپ بېرىش توغرىسىدا بەرگەن ۋەدىسىگە ئەمەل قىلىشنى، ھۆكۈمەت ۋە دۆلەت مەجلىسىگە تېخىمۇ چوڭ ھوقۇق بېرىشنى ئوتتۇرىغا قويدى.
بىرلەشمە ئاخبارات ئاگېنتلىقىنىڭ خەۋەر قىلىشىچە، باقىيېۋنىڭ باياناتچىسى كلارا كابىلوۋا، ئۆكتىچىلەرنىڭ تەلىپى " بىرقانچە قانۇن چىقارغۇچى" تەرىپىدىن ئوتتۇرىغا قويۇلغان، شۇڭا بۇ خەلقنىڭ تەلىپى، دەپ قارالمايدىغانلىقىنى بىلدۈرگەن. (ئەركىن)
مۇناسىۋەتلىك ماقالىلار
- قىرغىزىستان پرېزىدېنتى قۇرمانبېك باقىيېۋ رەسمىي زىيارەت ئۈچۈن تۈركىيىگە كەلدى
- قىرغىزىستان بىلەن تۈركىيە ئىقتىسادىي ھەمكارلىق كېلىشىمى ئىمزالىدى
- قىرغىزىستان ھۆكۈمىتى، ئوش رايونىدىكى ئىسلامچىلارنى تەسلىم بولۇشقا چاقىردى
- قىرغىز ئۆكتىچىلىرى ھۆكۈمىتىنىڭ تازىلاش ھەرىكىتىنى ئەيىبلىدى
- بېشكېكتىكى ئۆكتىچىلەر ھۆكۈمەتكە نارازلىق بىلدۈردى