Qirghiz öktichi teshkilatliri qirghizistanda siyasi islahat élip bérishni telep qildi

Qirghiz öktichi teshkilatliri qirghizistanda asasi qanun islahati élip bérish we prézidént qurmanbék baqiyéwning ikki inisini wezipisidin élip tashlashni telep qildi.

Qirghizistan öktichi guruhlar yekshenbe küni yighilish ötküzüp, eger prézidént qurmanbék baqiyéw bir ayghiche öktichi guruhlarning telipini orundimisa, baqiyéwning istipa bérishini telep qilidighanliqini jakarlighan.

Prézidént baqiyéwning inisi we qirghizistan dölet bixeterlik idarisining mu'awin bashliqi janibék baqiyéw, öktichiler rehbiri ömürbék tekebayéwning somkisigha xéro'in tiqip qoyush weqesi bilen chétilip qalghan we bu weqe janibék baqiyéwning wezipisidin élip tashlinishini keltürüp chiqarghan idi.

Öktichi guruhlar yekshenbe küni baqiyéwni öz nepsige chogh tartish we xiyanetchilik bilen eyiplep, uning xitay we bérlinda qirghizistan bash elchisi bolup wezipe öteydighan ikki inisining hökmet xizmitidin nyiraqlashturulushini telep qildi. Shuning bilen birge ular baqiyéwning asasi qanun islahati élip bérish toghrisida bergen wedisige emel qilishni, hökümet we dölet mejlisige téximu chong hoquq bérishni otturigha qoydi.

Birleshme axbarat agéntliqining xewer qilishiche, baqiyéwning bayanatchisi klara kabilowa, öktichilerning telipi " birqanche qanun chiqarghuchi" teripidin otturigha qoyulghan, shunga bu xelqning telipi, dep qaralmaydighanliqini bildürgen. (Erkin)