Qirghizistanda öktichiler prizidént baqiyéfning texttin chüshüshini telep qildi


2006.11.02

Qirghizistandiki öktichi goruh we partiyilerning ezaliri, qirghizistanning paytexti béshkekte naraziliq namayishi ötküzüp, qurmanbék baqéyifning wezipisidin istipa bérishini telep qildi.

Fransiye agéntliqining peyshenbe küni bergen xewiridin melum bolushiche, baqéyif söz qilip, öktichilerning , prizidéntliq hoquq da'irisi ichidiki bir qisim hoquqlarni parlaméntta islah qilish telipini ret qilghan.

Baqéyifning éytishiche, hoquq tüzülmisini islah qilish pikirini köp waqit serip qilip, tetqiq qilishqa toghra kélidiken, shunga u öktichi küchlerning derhal namayishni toxtitip, söhbet üstilige qayta kélishini teshebbüs qildi.

Namayishchilar, peyshenbe küni etigende béshkek shehirige yighilghan bolup, qirghizistan da'iriliri amanliq saqchilirini sheher ichige charlashqa qoyuwetken, weziyetni közetküchilerning bildürüshche, saqchilar bilen namyishchilar otturisida toqunush yüz bérish éhtimalliqi nahayiti chong iken.

Baqéyif wezipige teyinlen'gen bir yérim yildin buyan, xelqning naraziliqi kücheymekte, xelq baqéyif hökümitining chiriklikke qattiq zerbe bermeywatqanliqi, shuningdek démokratik prinsip buyiche bashqurush élip barmaywatqanliqi sewebidin izchil türde naraziliq bildürmekte.

Xewerlerge qarighanda, béshkektiki asasliq meydan'gha 10 mingdin 30 minggha qeder adem yighilghan bolup, nöwette weziyet 2005 ‏- yili 3 ‏- ayda yüz bergen " lale inqilawi" gha oxshash, sabiq prizidént aqayifni texttin chüshürüsh herikitige oxshap qalghan. Namayishchilar, chet'el muxbirlirigha "baqéyif tejiribe - sawaqlarni yekünlimidi" dégen. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.