Qirghizistan hökümiti öktichilerni siyasi özgürüsh qozghimaqchi, dep eyiplidi


2006.11.03
Share on WhatsApp
Share on WhatsApp

Qirghizistan paytexti béshkekte öktichi partiyilerning nechche ming kishilik hökümetke qarshi namayish jüme küni 2 - künige kirdi. Qirghizistan da'iriliri öktichilerni hökümetke qarshi siyasi özgürüsh qozghimaqchi, dep eyiplimekte.

Qirghizistan bash ministiri flikis qulow jüme küni parlamént yighinida öktichi partiye rehberlirini hökümet binaliri we dölet téléwiziye istansisini tartiwélishni pilanlighan, dep eyiplep, buninggha yol qoymaydighanliqini agahlandurdi. U, parlamént yighinida öktichi partiye rehberlirining hökümet binasi we dölet téléwiziye istansisini tartiwélish pilanigha da'ir bir ün alghu lintisini qoyghan. Öktichi partiyiler bolsa baqiyéw hökümiti qirghizistanda siyasi islahat élip bérish we asasi qanunni özgertish toghrisidiki wedisige wapa qilmidi, dep eyiplimekte.

Prézidént baqiyéw qirghizistan radi'osida sözligen nutuqida bu weqe"öktichilerning asasi qanun'gha qiziqmaydighanliqini yene bir qétim ispatlap, hakimiyetni zorluq küchke tayinip tartiwalmaqchi boliwatqanliqini körsetti," deydu.

Fransiye axbarat agéntliqining xewer qilishiche, jüme küni bir qisim öktichi partiye rehberliri qirghizistan dölet téléwiziye istansisigha bésip kirip, téléwizorda sözleshni telep qilghan bolsimu, lékin kéyinche bu pilanidin waz kechken. Nöwette béshkektiki merkizi meydanda 3000 namayishchi chidir tikip namayish qilmaqta.

Islahatchilar rehbiri azimbék béknezerow, " konkirit heriket qilidighan waqit" ning yétip kelgenlikini bildürgen. Öktichiler rehbiri tekebayéw bolsa " qirghizistan rehberlirini tinch yolda istipabérishke mejburlaydighanliqini bildürdi. Qirghizistan weziyiti 2005 - yili prézidént aqayéw aghdurulghandin béri siyasi dawalghush ichide ötmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet