Қирғизистанда һөкүмәт билән парламент оттурисидики ихтилап барғансери күчәймәктә
Қирғизистанда һөкүмәт билән парламент оттурисида йүз бәргән ихтилап, сәйшәнбә күни һөкүмәтниң истипа беришигә сәвәб болди.
Қирғизистан баш министири филкс қолуф, парламент тәрипидин өткән ай қирғизистан асасий қануниға киргүзүлгән өзгүрүшләр, һөкүмәтниң парламент билән ишлишини имкансиз һалға кәлтүргәнликини билдүрди. Қолуф "биз истипа бериш арқилиқ қирғизистанда тездин йеңи парламент сайлими елип берилиши үчүн һәссә қошушқа тиршиватимиз" дегән. Лекин америка бирләшмә агентлиқиниң хәвәр қилишичә, һөкүмәтниң истипасиниң қирғизистанда йеңи парламент сайлими елип берилишиға қандақ һәссә қошидиғанлиқи мәлум әмәс икән. Чүнки буниңдин илгири қирғизистан асасий қануниға киргүзүлгән өзгүрүшләр, парламентниң 2010- йилиғичә вәзиписини давамлаштурушини өз ичигә алған иди. Бу арида, қирғизистан президенти қурманбек бақийиф һөкүмәтниң истипасини қобул қилди.
Қирғизистан сиясий мулаһизичиси нур өмәрофниң ейтишичә, қолуф һөкүмитиниң истипа бериши вә президент бақийифниң һөкүмәтниң истипасини қобул қилғанлиқи, өзлиригә қарши өктичи бир парламентни йоқитип, уларниң һәрикәтлирини қоллайдиған йеңи бир парламент сайлап чиқишни мәқсәт қилған икән. (Әқидә)
Мунасивәтлик мақалилар
- Хитай қарамайда тунҗи болуп синақ қиливатқан әқлий иқтидарлиқ чарлиғучи машина қандақ нәрсә?
- Норвегийәдә “шәрқий түркистан әркинлик лоңқисини талишиш” путбол мусабиқиси башланди
- Уйғур ирқий қирғинчилиқиниң өтмүши, бүгүни вә кәлгүсигә нәзәр
- Хәлқара диний әркинлик алий кеңишидә чақниған уйғур мәсилиси (нәзәр 74-сан)
- Вашингтон вә ню-йоркта “5-июл үрүмчи қирғинчилиқи” ниң 13 йиллиқиға беғишланған намайиш өткүзүлди
