Qirghizistanda hökümet bilen parlamént otturisidiki ixtilap barghanséri kücheymekte


2006-12-19
Share

Qirghizistanda hökümet bilen parlamént otturisida yüz bergen ixtilap, seyshenbe küni hökümetning istipa bérishige seweb boldi.

Qirghizistan bash ministiri filks qoluf, parlamént teripidin ötken ay qirghizistan asasiy qanunigha kirgüzülgen özgürüshler, hökümetning parlamént bilen ishlishini imkansiz halgha keltürgenlikini bildürdi. Qoluf "biz istipa bérish arqiliq qirghizistanda tézdin yéngi parlamént saylimi élip bérilishi üchün hesse qoshushqa tirshiwatimiz" dégen. Lékin amérika birleshme agéntliqining xewer qilishiche, hökümetning istipasining qirghizistanda yéngi parlamént saylimi élip bérilishigha qandaq hesse qoshidighanliqi melum emes iken. Chünki buningdin ilgiri qirghizistan asasiy qanunigha kirgüzülgen özgürüshler, parlaméntning 2010‏- yilighiche wezipisini dawamlashturushini öz ichige alghan idi. Bu arida, qirghizistan prézidénti qurmanbék baqiyif hökümetning istipasini qobul qildi.

Qirghizistan siyasiy mulahizichisi nur ömerofning éytishiche, qoluf hökümitining istipa bérishi we prézidént baqiyifning hökümetning istipasini qobul qilghanliqi, özlirige qarshi öktichi bir parlaméntni yoqitip, ularning heriketlirini qollaydighan yéngi bir parlamént saylap chiqishni meqset qilghan iken. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet