Қирғизистан парламенти асасий қанунға йәнә өзгәртиш киргүзмәкчи

Қирғизистан парламенти пәйшәнбә күни президент қорманбек бақийифниң салаһийәт даириси вә һоқуқини күчәйтиш үчүн асасий қанунға өзгәртиш киргүзүш мәсилисини музакирә қилишни қобул қилди. Ва һаләнки, бир қанчә һәптә бурун қирғизистан өктичи партийилирини тәрипидин елип берилған кәң көләмлик наразилиқ һәрикәтлиридин кейин, бақийиф асасий қанунда президентниң салаһийитини азайтиш үчүн ислаһат елип бериш тоғрисида келишимгә қол қойған иди.

Қирғизистан парламенти, қирғизистан баш министири филкс қолуф һөкүмити ноябир ейида асасий қанунға киргүзүлгән өзгиришләргә наразилиқ билдүрүп истипа бәргәндин кейин елип берилған музакириләрдә президентниң салаһийитини көпәйтишни мақуллиған. Көпчиликкә мәлум болғандәк, филкис қолуф асасий қанунға киргүзүлгән өзгиришләр һөкүмәтниң парламент билән маслишип иш елип беришини имкансизлаштурди, дәп мәвҗут парламенти бикар қилип, йиңи парламент үчүн сайлам елип беришқа чақирған иди.

Америка бирләш агентлиқиниң хәвәр қилишичә, қирғизистан парламентиниң рәиси марат султаноф президент бақийиф билән өткүзгән сөһбитидин кейин бәргән баянатида, президент йеңи асасий қанунда ихтилаплиқ бәзи маддиларниң барлиқини билдүрүп, бу маддиларни өзгәртиш керәкликини билдүрди, дегән.

Сиясий мулаһизичиләрниң ейтишичә, әгәр тәләп қилинған йеңи өзгиришләр парламент тәрипидин қобул қилинса, президент бақийифқа баш министир вә өлкә башлиқлирини тәйинләш һоқуқи қайтуруп берилидикән. (Қанат)