Qirghizistan parlaménti asasiy qanun'gha yene özgertish kirgüzmekchi


2006-12-21
Share

Qirghizistan parlaménti peyshenbe küni prézidént qormanbék baqiyifning salahiyet da'irisi we hoquqini kücheytish üchün asasiy qanun'gha özgertish kirgüzüsh mesilisini muzakire qilishni qobul qildi. Wa halenki, bir qanche hepte burun qirghizistan öktichi partiyilirini teripidin élip bérilghan keng kölemlik naraziliq heriketliridin kéyin, baqiyif asasiy qanunda prézidéntning salahiyitini azaytish üchün islahat élip bérish toghrisida kélishimge qol qoyghan idi.

Qirghizistan parlaménti, qirghizistan bash ministiri filks qoluf hökümiti noyabir éyida asasiy qanun'gha kirgüzülgen özgirishlerge naraziliq bildürüp istipa bergendin kéyin élip bérilghan muzakirilerde prézidéntning salahiyitini köpeytishni maqullighan. Köpchilikke melum bolghandek, filkis qoluf asasiy qanun'gha kirgüzülgen özgirishler hökümetning parlamént bilen masliship ish élip bérishini imkansizlashturdi, dep mewjut parlaménti bikar qilip, yingi parlamént üchün saylam élip bérishqa chaqirghan idi.

Amérika birlesh agéntliqining xewer qilishiche, qirghizistan parlaméntining re'isi marat sultanof prézidént baqiyif bilen ötküzgen söhbitidin kéyin bergen bayanatida, prézidént yéngi asasiy qanunda ixtilapliq bezi maddilarning barliqini bildürüp, bu maddilarni özgertish kéreklikini bildürdi, dégen.

Siyasiy mulahizichilerning éytishiche, eger telep qilin'ghan yéngi özgirishler parlamént teripidin qobul qilinsa, prézidént baqiyifqa bash ministir we ölke bashliqlirini teyinlesh hoquqi qayturup bérilidiken. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet