Qirghizistan parlaménti prézidént baqiyifning hoquqini kücheytish teklipini ret qildi


2006-12-25
Share

Düshenbe küni qirghizistan parlaménti, prézidénti qurmanbék baqiyifgha qaytidin qirghizistan bash ministiri we hökümetni teyinlesh salahiyiti bérish üchün asasiy qanun'gha özgertish kirgüzüsh teklipini ret qildi.

Köpchilikke melum bolghandek, noyabir éyida qirghizistanda siyasiy öktichiler teripidin élip bérilghan keng kölemlik naraziliq namayishiliri netijiside baqiyif asasiy qanunda islahat élip bérip, özining qirghizistan bash ministirini we ministirlarni teyinlesh hoquqidin waz kéchishni qobul qilghan idi.

Qirghizistan bash ministiri filiks qoluf we hökümiti asasiy qanun'gha kirgüzülgen özgirishlerning hökümetning parlamént bilen masliship ish élip bérishini imkansizlashturghanliqini bildürüp istipa bergendin kéyin, parlaménttiki baqiyifni qollaydighan wekiller, baqiyifning bash ministir we hökümetni teyinlesh qatarliq hoquqlirini qaytidin turghuzush üchün, ötken hepte parlamintqa teklip layihisi sun'ghan idi. Emma bu teklip parlaménttiki wekillerning köpinchisi teripidin ret qilindi.

Siyasiy mulahizichiler qirghizistan parlamntining bu herikiti arqiliq, tunji qétim ottura asiyada bir dölet parlamintining, prézidénttin küchlük ikenlikini körsetkenlikini bildürmekte.

Filiks qulof hökümiti bu ayning bashlirida istpa bergendin béri, qirghizistanda téxi resmiy bir hökümet qurulmidi we siyasiy krizis dawamlashmaqta. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet