Қирғизлар йәнә чоң намайишқа тәйярлиқ қилмақта


2007-03-11
Share

10-Март күни сабиқ қирғизистан баш министири феликис қулоп иштиракчилиқидики өктичиләрниң " қирғизистанниң иптихарлиқ келәчики үчүн" дәп аталған бирләшмиси йиғин ечип, йәнә бир қетимлиқ кәң көләмлик намайиш елип беришни қарар қилған.

Пәрғанә агентлиқиниң учуридин қариғанда, феликис қулоп, атақлиқ өктичи омурбәк текебайев, мелис әшимқаноп вә башқилар бир йәргә җәм болуп, йиғин ечип 11- април күни чоң намайиш өткүзүшни қарар қилған.

Қирғизистан өктичилириниң бирләшмә фронтиниң баянатчиси азамат калманниң ашкарилишичә, йиғинда 11- април күни намайиш өткүзүп, муддәттин бурун президент сайлими өткүзүш һәмдә асасий қанун ислаһати елип беришни тәләп қилиш қарар қилинған. " Асаслиқ тәләп дөләтниң йеңи асасий қанунни қобул қилиш, әгәрдә бу тәләп биҗа кәлтүрилмисә, биз муддәттин бурун президент сайлими өткүзүшни қолға кәлтүримиз" дәп билдүргән өктичи бирләшмә фронтиниң баянатчиси азамат қалман.

Учурлардин қариғанда, қирғизистан өктичилириниң бирләшмиси вә "ислаһат " һәрикити дәп аталған тәшкилат президент қурманбек бақийевтин асасий қанун ислаһатини 10 априлиғичә иҗра қилиш вә башқа тәләпләрни оттуриға қойған икән.

2005-Йилидики март өзгиришидә президент әсқәр ақайевни йиқитип, сайлам арқилиқ һакимийәтни қолға алған президент бақийев вә баш министир қулоп гәрчә бир йилдин артуқ биргә ишлигән болсиму, бирақ феликис қулоп йеқинда парламент тәрипидин вәзиписидин қалдурулған. Нәтиҗидә у, өктичиләр тәрипигә өткәнликини елан қилған иди. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт