Qirghizlar yene chong namayishqa teyyarliq qilmaqta

10-Mart küni sabiq qirghizistan bash ministiri félikis qulop ishtirakchiliqidiki öktichilerning " qirghizistanning iptixarliq kélechiki üchün" dep atalghan birleshmisi yighin échip, yene bir qétimliq keng kölemlik namayish élip bérishni qarar qilghan.

Perghane agéntliqining uchuridin qarighanda, félikis qulop, ataqliq öktichi omurbek tékébayéw, mélis eshimqanop we bashqilar bir yerge jem bolup, yighin échip 11- april küni chong namayish ötküzüshni qarar qilghan.

Qirghizistan öktichilirining birleshme frontining bayanatchisi azamat kalmanning ashkarilishiche, yighinda 11- april küni namayish ötküzüp, muddettin burun prézidént saylimi ötküzüsh hemde asasiy qanun islahati élip bérishni telep qilish qarar qilin'ghan. " Asasliq telep döletning yéngi asasiy qanunni qobul qilish, egerde bu telep bija keltürilmise, biz muddettin burun prézidént saylimi ötküzüshni qolgha keltürimiz" dep bildürgen öktichi birleshme frontining bayanatchisi azamat qalman.

Uchurlardin qarighanda, qirghizistan öktichilirining birleshmisi we "islahat " herikiti dep atalghan teshkilat prézidént qurmanbék baqiyéwtin asasiy qanun islahatini 10 aprilighiche ijra qilish we bashqa teleplerni otturigha qoyghan iken.

2005-Yilidiki mart özgirishide prézidént esqer aqayéwni yiqitip, saylam arqiliq hakimiyetni qolgha alghan prézidént baqiyéw we bash ministir qulop gerche bir yildin artuq birge ishligen bolsimu, biraq félikis qulop yéqinda parlamént teripidin wezipisidin qaldurulghan. Netijide u, öktichiler teripige ötkenlikini élan qilghan idi. (Ümidwar)