Қирғизистан баш министири вәзиписидин истипа бәрди


2007.03.29

Қирғизистан президенти қурманбек бақийеф, пәйшәнбә күни баш министир азим исақбекуфни истипасини қобул қилип, алмас атамбайефни баш министирлиққа тәйинлиди.

Қирғизистан қабар агентлиқиниң хәвиригә қариғанда, бақейиф һөкүмәт әзалирини қобул қилғанда, өзиниң исақбекуфни истипасини қобул қилип, униң орниға атамбайефни министирлиққа тәйинлигәнликини билдүргән. Гәрчә бақейиф хәлқниң һимайисини қолға кәлтүрүш үчүн өктичи вә сотсиял димократ партийисиниң рәиси алмас атамбайефни баш министирлиққа қойған болсиму, әмма кишиләр "бақейефниң бу һәрикити, униң президент вәзиписидә қилиш үчүн елип бериватқан паалийәтлириниң бир қисми" дийишмәктә.

2005 ‏- Йили март ейида йүз бәргән сиясий өзгириштин кейин, призидент болуп сайланған бақейиф, нөвәттә өктичиләр тәрипидин қаттиқ әйибләнмәктә. Сиясий мулаһизичиләр, бақейифниң сайламдин бурунқи ипадиси билән сайламдин кейинки һәрикитиниң бирдәк болмаслиқи түпәйли униңға болған наразилиқ авазлири көпийип кәткәнликини билдүрмәктә.

Қирғизистанда йүз бәргән бу вәқә йәнә бир тәрәптин, қирғизистандики сиясий гуруппилар оттурисидики мәвҗут ихтилапларниң техиму җиддийлишиватқанлиқини көрситидикән. (Әқидә)

© 2007 Radio Free Asia

Мунасивәтлик мақалилар

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.