Qirghizistan bash ministiri wezipisidin istipa berdi


2007-03-29
Share

Qirghizistan prézidénti qurmanbék baqiyéf, peyshenbe küni bash ministir azim isaqbékufni istipasini qobul qilip, almas atambayéfni bash ministirliqqa teyinlidi.

Qirghizistan qabar agéntliqining xewirige qarighanda, baqéyif hökümet ezalirini qobul qilghanda, özining isaqbékufni istipasini qobul qilip, uning ornigha atambayéfni ministirliqqa teyinligenlikini bildürgen. Gerche baqéyif xelqning himayisini qolgha keltürüsh üchün öktichi we sotsiyal dimokrat partiyisining re'isi almas atambayéfni bash ministirliqqa qoyghan bolsimu, emma kishiler "baqéyéfning bu herikiti, uning prézidént wezipiside qilish üchün élip bériwatqan pa'aliyetlirining bir qismi" diyishmekte.

2005 ‏- Yili mart éyida yüz bergen siyasiy özgirishtin kéyin, prizidént bolup saylan'ghan baqéyif, nöwette öktichiler teripidin qattiq eyiblenmekte. Siyasiy mulahizichiler, baqéyifning saylamdin burunqi ipadisi bilen saylamdin kéyinki herikitining birdek bolmasliqi tüpeyli uninggha bolghan naraziliq awazliri köpiyip ketkenlikini bildürmekte.

Qirghizistanda yüz bergen bu weqe yene bir tereptin, qirghizistandiki siyasiy guruppilar otturisidiki mewjut ixtilaplarning téximu jiddiylishiwatqanliqini körsitidiken. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet