Қирғизистанда сиясий өктичиләр ашлиқ елан қилди


2007-04-05
Share

Пәйшәнбә күни 100 дин артуқ киши, қирғизистан президентини йеңи сайлам елип беришқа зорлаш үчүн, қиғизистан парламенти алдида ачлиқ елан қилди.

Франсийә агентлиқиниң хәвәр қилишичә, ашлиқ елан қилғучилар, президент бақийифни 2005‏- йили һакимийәт бешиға чиқиш җәрянида қирғизистанда иқтисадий вә сиясий ислаһат елип бериш тоғрисида бәргән вәдилиригә әмәл қилмиғанлиқини билдүрмәктә. Шундақла келәр һәптә бешкәкдә кәң көләмлик бир наразилиқ намайиши елип беришни пиланлиған қирғизистандики сиясий өктичиләр президент бақийифни, чирикликкә арилашқан дәп, әйиблимәктә.

Гәрчә президент бақийиф сиясий өктичиләрниң наразилиқини пәсәйтиш үчүн, мөтидил бир сиясий өктичи болған алмас атамбайифни баш министирлиқ вәзиписигә тәйинлигән болсиму, әмма қирғизистандики сиясий өктичиләр бақийифни бу һәрикитигә рази болмиған.

Қирғизистандики сиясий өктичиләр бақийифдин йеңи сайлам өткүзүшини, асаси қанунда өзгәртиш киргүзүп, бир бирләшмә һөкүмәт қурушини тәләп қилмақта. Лекин, президент муддити 2010 ‏- йили ахиришидиған президент бақийиф болса, муддәттин бурун президент сайлими өткүзүшни рәт қилмақта.

Қирғизистан, 2005‏- йили март ейида йүз бәргән хәлқ қозғилиңидин бери, сиясий муқимсизлиқ, наразилиқ һәрикәтлири вә сиясий сүйқәстләргә сәһнә болуп кәлмәктә. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт