Qirghizistanda siyasiy öktichiler ashliq élan qildi


2007-04-05
Share

Peyshenbe küni 100 din artuq kishi, qirghizistan prézidéntini yéngi saylam élip bérishqa zorlash üchün, qighizistan parlaménti aldida achliq élan qildi.

Fransiye agéntliqining xewer qilishiche, ashliq élan qilghuchilar, prézidént baqiyifni 2005‏- yili hakimiyet béshigha chiqish jeryanida qirghizistanda iqtisadiy we siyasiy islahat élip bérish toghrisida bergen wedilirige emel qilmighanliqini bildürmekte. Shundaqla kéler hepte béshkekde keng kölemlik bir naraziliq namayishi élip bérishni pilanlighan qirghizistandiki siyasiy öktichiler prézidént baqiyifni, chiriklikke arilashqan dep, eyiblimekte.

Gerche prézidént baqiyif siyasiy öktichilerning naraziliqini peseytish üchün, mötidil bir siyasiy öktichi bolghan almas atambayifni bash ministirliq wezipisige teyinligen bolsimu, emma qirghizistandiki siyasiy öktichiler baqiyifni bu herikitige razi bolmighan.

Qirghizistandiki siyasiy öktichiler baqiyifdin yéngi saylam ötküzüshini, asasi qanunda özgertish kirgüzüp, bir birleshme hökümet qurushini telep qilmaqta. Lékin, prézidént mudditi 2010 ‏- yili axirishidighan prézidént baqiyif bolsa, muddettin burun prézidént saylimi ötküzüshni ret qilmaqta.

Qirghizistan, 2005‏- yili mart éyida yüz bergen xelq qozghilingidin béri, siyasiy muqimsizliq, naraziliq heriketliri we siyasiy süyqestlerge sehne bolup kelmekte. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet