Qirghizistanda achliq élan qilishta ölüm hadisisi körüldi


2007-04-15
Share

Qirghizistandiki öktichilerning ala-tow meydanidiki naraziliq namayishliri tötinchi kün'ge kirdi. Xewerlerdin qarighanda, saqchilar bilen namayishchilar arisida kichik da'iride qalaymiqanchiliq yüz bérip, bir qanche adem qolgha élin'ghan, melumatlargha qarighanda, yekshenbe küni ala tow meydanidiki achliq élan qilghan öktichiler ikki minut tinch turush shekli bilen achliq élan qilish herikitige qatniship, qaza qilghan bir öktichining ölümige matem bildürgen.

Qirghizistanning "24 sa'et" dep atalghan uchur agéntliqining xewer qilishiche, 53 yashliq öktichi bék témir aqunop 5-april küni bashqa 60 neper achliq élan qilghuchi bilen birge bu heriketke qatnashqan bolup, 14-april küni ölgen.

Ölgüchining ölüm sewebi hazirche éniq emes, bu heqte türlük perezler mewjut, bir qisim kishiler uning yurti narin'gha kétiwatqinida ölgenlikini éytsa, yene beziler qirghizistan ichki ishlar ministirliqining uchurlirini neqil keltürüp, uning narin oblastidiki türmige tashlan'ghanliqi, 14-april küni uning öz köngliki bilen özini ésiliwalghan jesitining tépilghanliqini otturigha qoyushmaqta. Yene bezi uchurlarda uning saqchilar teripidin urulghanliqi éytilghan.

Perghane agéntliqining tarqatqan uchurigha asaslan'ghanda, qirghizistan öktichi rehberliridin biri félikis qulop, yekshenbe küni muxbirlarni kütüwélish yighinida, düshenbe küni öktichilerning prézidént qurmanbék baqiyéwning wezipisidin istipa bérish heqqidiki yéngi telipini resmiy élan qilidighanliqi shuningdek mezkur mesilining parlaméntqa qoyulidighanliqini élan qilghan. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet