Қирғизистан һөкүмити март инқилабини дөләт бойичә дәм елиш күни қилип бекитти

• 
  2006-03-05

Қирғизистан һөкүмити өткән йили 3-айниң 24-күни партлап, президент әсқәр ақайевни ағдуруп ташлиған күнини дөләт бойичә байрам күни қилип бекити.

Пәрғанә ру агентлиқиниң учуридин мәлум болушичә, 3-март күни президент қурманбек бақийев бу һәқтә рәсми билдүрүш елан қилған болуп, униң ейтишичә, һазирчә бу күнни "хәлқ инқилаби ғәлибә күни" вә яки "адаләт күни" дәп аташ мәсилисидә техичә ениқ қарар чиқирилмиған болуп, пат йеқинда бу байрамниң рәсми нами бекитилиду.

Мәлумки, өткән йили 24-март күни өктичи тәшкилатларниң рәһбәрликидә бишкәк шәһиридә кәң көләмлик намайиш йүз бәргән ,нәтиҗидә, намайишчилар президент бинасиға бастуруп киргән һәмдә , президент әсқәр ақайев бишкәктин москваға қечип беривалған иди. Шуниңдин кейин өктичиләр дәрһал һөкүмәт тәшкиллигән һәмдә өткән йили июл ейидаи сайлам өткүзүлүп, қурманбек бақийев қирғизистан президенти болуп сайланған.

Өктичиләр 3-айниң 24-күнидин етибарән қирғизистанда демократийиниң тәрәққияти капаләткә игә қилинидиғанлиқини елан қилинған иди. Демәк,қирғизистан демократлири өзлириниң ғәлибә күни дөләтлик байрам күни қилип бекиткән.(Үмидвар)