Qirghizistan hökümiti mart inqilabini dölet boyiche dem élish küni qilip békitti

• 
  2006-03-05

Qirghizistan hökümiti ötken yili 3-ayning 24-küni partlap, prézidént esqer aqayéwni aghdurup tashlighan künini dölet boyiche bayram küni qilip békiti.

Perghane ru agéntliqining uchuridin melum bolushiche, 3-mart küni prézidént qurmanbék baqiyéw bu heqte resmi bildürüsh élan qilghan bolup, uning éytishiche, hazirche bu künni "xelq inqilabi ghelibe küni" we yaki "adalet küni" dep atash mesiliside téxiche éniq qarar chiqirilmighan bolup, pat yéqinda bu bayramning resmi nami békitilidu.

Melumki, ötken yili 24-mart küni öktichi teshkilatlarning rehberlikide bishkek shehiride keng kölemlik namayish yüz bergen ,netijide, namayishchilar prézidént binasigha basturup kirgen hemde , prézidént esqer aqayéw bishkektin moskwagha qéchip bériwalghan idi. Shuningdin kéyin öktichiler derhal hökümet teshkilligen hemde ötken yili iyul éyida'i saylam ötküzülüp, qurmanbék baqiyéw qirghizistan prézidénti bolup saylan'ghan.

Öktichiler 3-ayning 24-künidin étibaren qirghizistanda démokratiyining tereqqiyati kapaletke ige qilinidighanliqini élan qilin'ghan idi. Démek,qirghizistan démokratliri özlirining ghelibe küni döletlik bayram küni qilip békitken.(Ümidwar)