Қирғизистанда сақчилар һөкүмәт бинасини игиливалған намайишчиларға күч қолланди


2005.06.17
Share on WhatsApp
Share on WhatsApp

Қирғизистанда аманлиқ күчлири җүмә күни яш аққузуш бомбилирини ишлитип, 7 - айдики президент сайламға қатнишиш салаһийити рәт қилинған өктичиләр намзатиниң қоллиғучилирини һөкүмәт бинасидин йирақлаштурди.

Намайишчилар бешкәк мәркизи мәйданидики һөкүмәт бинасини игиливалған. Муваққәт президент бақийев, намайишчиларни әсқәр ақайевниң әгәшгүчилири, дәп әйиплиди.

Ройтерс ахбарат агентлиқиниң хәвәр қилишичә, президент бақийев һөкүмәтни " зөрүр тепилса қолумдики қорал билән қоғдаймән," дегән. Сақчилар, өктичиләр намзати урматбек бариқтабасовниң қоллиғичилириға қарши яш аққузуш бомбиси атқан шундақла асман оқ чиқирип, намайишчиларни агаһландурған.

Қирғизистан мәркизи сайлам комитети бариқтабасовниң қазақистан пуқраси икәнликини илгири сүрүп, униң 7 - айда өткүзүлидиған президент сайлимида намзат болушини тәстиқлимиған иди.

Муваққәт президент қурманбәг бақийев, " бүгүнки вәқә ақайевниң әтрапидики кишиләр тәрипидин уюштурулған," дәп әйиплиди. У, һөкүмәт хәлқниң арамини бузудиған урунушларға күч билән җаваб қайтурудиғанлиқини агаһландурған.

Қирғизистан парламент әзалири, бариқтабасовниң әсқәр ақайевниң күйоғли билән мунасивити бар, дәп қарайдикән. Ақайевниң күйоғли қирғиз даирилири тәрипидин тәкшүрүлмәктә иди.

Қирғизистанниң мувәққәт муавин баш министири фликс қулов, вәзийәтни контрол қилиш йолида барлиқ тәдбирләрни алимиз, дәп тәкитлигән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.