Бақийев бешкәктики вәқәни сабиқ президент тәрәпдарлириға бағлиди


2005.06.19
Share on WhatsApp
Share on WhatsApp

Қирғизистан вақитлиқ президенти қурманбек бақийев җүмә күни бешкәк шәһиридә йүз бәргән намайишчиларниң һөкүмәт бинаси алдида намайиш қилиш вә һөкүмәт бинасиға бесип киришкә урунуш вәқәси һәққидә мухбирларни күтүвелиш йиғини ечип, мәзкур вәқәниң арқа тәрипидә ақайев тәрәпдарлири барлиқини көрсәтти.

Бешкәктики намайиш, өзини президент намзатлиқиға көрсәткән бариқтабасопниң қазақистан пуқраси икәнлики ашкарилинип, асасий қанун бойичә униң президент намзати болуш һоқуқиниң йоқлиқи билән, униң намзатлиқини бикар қилиштин келип чиққанлиқи оттуриға қоюлмақта.

Қирғизистан вақитлиқ президенти қурманбек бақийев йәнә намәлум кишиләрниң бешкәктики истудентларға 500 сомдин 1000 сомғичә пул тарқитип, уларниң намайишқа қатнишишини қолға кәлтүргәнлики һәққидә учурға игә болғанлиқини оттуриға қойди.

Бақийев йәнә " қалаймиқанчилиқларниң тәшкиллигүчилири қошна қазақистанда турмақта. Улар ақайевниң йеқин кишилиридур. Мән бүгүн уларға шуни билдүримәнки, улар муқимлиққа қарши болған бу хил һәрикәтлирини тохтитишлири керәк. Һазир дәл буни тохтитидиған вақти кәлди" дегән.

Қирғизистанниң дөләтлик "қабар " агентлиқиниң учуриға қариғанда, җүмә күни йүз бәргән намайишни әсқәр ақайевниң қазақистанда турушлуқ күй оғли адил тойғонбайев вә ақайевниң башқа аилә әзалири иқтисадий җәһәттин қоллиған. Бу һәқтә қирғизистан муавин баш министири данияр усеноп рәсми билдүрүш елан қилған. Әмма, москвада панаһлиниватқан сабиқ президент әсқәр ақайев өзиниң вә аилисиниң бу вәқәләр билән мунасивәтсиз әмәсликини билдүргән. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.