Qirghizistanda yekshenbe küni prézidént saylimi ötküzülidu


2005-07-07
Share

Qirghizistanda aldimizdiki yekshenbe küni prézidént saylimi ötküzülidu. Xewerlerge qarighanda, mart éyida esqer aqayéf hakimiyiti xelq qozghilingi netijiside aghdurulghandin béri, qirghizistanni idare qilip kéliwatqan qurmanbék baqiyéf, eng küchlük prézidént namzati hésablinidiken.

Amérika birleshme agéntliqining xewer qilishiche, köpchilik yekshenbe élip bérilidighan prézidént saylimida baqiyéfning ghelibe qilidighanliqigha we bu saylamning mart éyida élip bérilghan parlamént saylimigha qarighanda erkin we adaletlik bir saylam bolidighanliqigha ishinidiken. Lékin, bezi analizchilar, baqiyéfning prézidént saylimidiki riqabetchiliri nahayiti ajiz bolghanliqi üchün, qirghizistanda yene esqer aqayif hakimiyitige oxshash mutleq bir hakimiyetning qaytidin yiltiz tartishidin endishe qilidiken.

Baqiyéf démokratiyige hörmet qilidighanliqini we démokratik prinsiplardin ayrilmaydighanliqini tekitlimekte. Emma yekshenbe küni élip bérilidighan prézidént saylimida, prézidént namzati bolghan, qirghizistan démokratiye pa'aliyetchisi jappar jekshiyéf qirghizistan hökümet emeldarlirini, baqiyéfning prézidént saylimidiki riqabetchilirining erkin pa'aliyet élip bérishigha tosqunluq qiliwatidu dep eyiblidi.

Qirghizistan parlamintining re'isi ömerbék tikebayéf, baqiyéfning prézidént saylimida ghelibe qilish éhtimalliqining nahayiti yuqiri ikenlikini, chünki saylamda bashqa namzatlarning baqiyéfqa oxshash imkaniyetlerge ige emeslikini bildürdi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet