Қирғизистанда пуқралар йәкшәнбә күни йеңи президентни сайлайду


2005-07-08
Share

Қирғизистанда пуқралар йәкшәнбә күни йеңи президентни сайлаш үчүн беләт ташлайду. Сайлам һарписида қирғизистан бойичә җәмә күндин башлап намзатларниң сайлам паалийити тохтиди. Йәкшәнбә күнки сайламда 7 нәпәр президент намзати риқабәтлишиду.

Көзәткүчиләрниң тәкитлишичә, өткүнчи президент қурманбег бақийевниң сайламда ғәлибә қилиш еһтимали юқирикән. Әгәр у сайламда ғәлибә қилса, келишим бойичә ар- нумус партийисиниң рәһбири филикс қулувни баш министир қилип тәйинләйду.

Бирақ қирғизистанниң америкида турушлуқ баш әлчиси зәмирә сидиқованиң тәкитлишичә, даириләр сайлиғучиларниң беләт ташлаш нисбити қанунда бәлгиләнгән йитәрлик санға йәтмәсликидин әнсирәйдикән. Әгәр беләт ташлиғучиларниң сани сайлиғучилар омуми нисбитиниң 50 ٪ йәтмисә, 2 қетим беләт ташлашқа тоғра келиду. Әмма бу әһвал қирғизистанниң муқимлиқиға пайдисизкән.

Даириләр, сайлам һарписида һөкүмәт органлиридики бихәтәрлик тәдбирлирини күчәйтти. Қирғзиистанниң ағдуруветилгән президенти әсқәр ақайев, сайлам һарписида америкини 24 - марттики бешкәк қозғилиңини уюштуруш билән әйиблигән. Әмма, уруш вә тинчлиқ иниститутидики анализчи қумар бекболатов, қирғизистан тарихида президент намзатлириға тунҗи қетим мәнбуатлардин тәң пайдилиниш пурсити яритилғанлиқини билдүрди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт