Qirghizistanda puqralar yekshenbe küni yéngi prézidéntni saylaydu


2005.07.08
Share on WhatsApp
Share on WhatsApp

Qirghizistanda puqralar yekshenbe küni yéngi prézidéntni saylash üchün bélet tashlaydu. Saylam harpisida qirghizistan boyiche jeme kündin bashlap namzatlarning saylam pa'aliyiti toxtidi. Yekshenbe künki saylamda 7 neper prézidént namzati riqabetlishidu.

Közetküchilerning tekitlishiche, ötkünchi prézidént qurmanbég baqiyéwning saylamda ghelibe qilish éhtimali yuqiriken. Eger u saylamda ghelibe qilsa, kélishim boyiche ar- numus partiyisining rehbiri filiks quluwni bash ministir qilip teyinleydu.

Biraq qirghizistanning amérikida turushluq bash elchisi zemire sidiqowaning tekitlishiche, da'iriler saylighuchilarning bélet tashlash nisbiti qanunda belgilen'gen yiterlik san'gha yetmeslikidin ensireydiken. Eger bélet tashlighuchilarning sani saylighuchilar omumi nisbitining 50 ٪ yetmise, 2 qétim bélet tashlashqa toghra kélidu. Emma bu ehwal qirghizistanning muqimliqigha paydisizken.

Da'iriler, saylam harpisida hökümet organliridiki bixeterlik tedbirlirini kücheytti. Qirghzi'istanning aghduruwétilgen prézidénti esqer aqayéw, saylam harpisida amérikini 24 - marttiki béshkek qozghilingini uyushturush bilen eyibligen. Emma, urush we tinchliq inistitutidiki analizchi qumar békbolatow, qirghizistan tarixida prézidént namzatlirigha tunji qétim menbu'atlardin teng paydilinish pursiti yaritilghanliqini bildürdi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.