Qirghizistan chet'ellik dukandarlarning parche sétish sodisi bilen shughullinishini cheklimekchi


2007-01-26
Share

Qirghizistan chet'ellik dukandarlarning parche sétish sodisi bilen shughullinishini chekleydighan qanun layihisini 1 - aprildin bashlap resmiy yolgha qoymaqchi.

Urush we tinchliq inistituti tot bétining xewer qilishiche, yéngi qanunda qirghizistandiki soda saraylirida dukan achidighan chet'ellik dukandarlarning sani, qirghiz grazhdanlirining 10% din éship ketmesliki telep qilin'ghan. Küzetküchiler, bu qanun qirghizistanda dukan achidighan Uyghur tijaretchilirige shundaqla Uyghur tijaretchilirige dukan ijare béridighan qirghizistan tewelikidiki Uyghur soda saray igilirige zerbe bérishi mumkin, dep qarimaqta.

Qirghizistan qarasu soda jem'iyitining bashliqi sharapet mijitowa, qarasudiki yerlik dukandarlarning xitay we Uyghur sodigerlerning köpiyishini tosashni telep qilghanliqini, eger tosimisa ulargha zorawanliq ishlitimiz, dep tehdit salghanliqini bildürdi.

Qirghizistan bu qanunni rusiye hökümiti chet'ellik tijaretchilerning rusiyide dukan échip soda qilishini chekligendin kéyin chiqarghan. Urush we tinchliq tetqiqat inistituti, eger bu qanun ijra qilinsa qirghizistan iqtisadigha tesir yétidighanliqini, bolupmu qirghizistanda 100 ming qirghiz puqrasi ishsiz qalidighanliqini agahlandurdi.

Qirghizistandiki kishilik hoquq organliri bolsa bu qanun'gha qarshi turidighanliqini bildürmekte. Qirghizistan prézidént qarmiqidiki kishilik hoquqi komitéti mes'uli tursunbék aqun, bu qanun köchmenlerning kishilik hoquqigha qilin'ghan ziyenkeshlik, dep eyibligen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet