Qirghizstanda keng kölemlik namayish qozghaldi

4 ‏-Ayning 11 ‏- küni qirghizistanning paytexti béshkek shehiride keng kölemlik namayish qozghaldi. Namayishchilar prézidént baqiyufni wezipisidin istipa bérishke chaqirghan.

'Shinxu'a agéntliqi' ning bayan qilishiche, prézidént baqiyufqa qarshi ötküzülgen bu namayishqa sabiq bash ministir qulup ependi qatnashqan. Namayishchilar "baqiyuf texttin chüshsün" dep shu'ar towlighan. Parlamnit binasining aldidiki meydanda 80 din artuq chédir tikilgen. Dölet muziyining aldida 77 adem achliq élan qilghan. Qirghizstandiki bu siyasiy krizis bultur 11 ‏- ayda bashlan'ghan bolup , parlamintta ikki qétim qanun islahati élip bérilghan bolsimu, emma öktichiler buninggha razi bolmighan we4 ‏- ayning 9 ‏- künidin bashlap qirghizistanning jenubtiki rayonliridin bashqa hemme yéride namayish bashlan'ghan.

Roytrs agéntliqning bayan qilishiche, béshkekte namayishqa qatnashqa adem sani 6000 gha yétidu. Ular 'parlaq kelgüsi üchün' dep yézilghan yeng belgisi taqighan. Bu namayishchilarning yétekchisi ruslan imanqajiyufning éytishiche, ular bu namayishni taki baqiyuf wezipisidin istipa bergen'ge qeder dawamlashturidiken, buning üchün ular aqsarayning etrapigha 5000 kishi panahlinishqa yetkidek sanda chédir tikken. (Weli)