Qazaqistan qush zukimining tarqilishining aldini élish üchün tedbir almaqta


2005-06-20
Share

Qazaqistan hökümiti, xitayda bayqalghan qush zukimining qazaqistan'gha tarqilishining aldini ilish üchün, qazaqistan- xitay chégra ponkitlirida jiddiy tedbir élishqa bashlighan.

Qazaqistan mu'awin sehiye ministiri anatoli bilonogning éytishiche, xitay sehiye xadimliri qazaqistan terepke, xitayning gherbiy rayonida mingdin artuq ghaz qush zukimi késelliki alametlirining körün'genlikini we rayonda 460 ghazning mezkur késelliktin ölgenlikini xewer qilghan.

Amérika birleshme agéntliqining qazaqistanning paytexti astanidin xewer qilishiche, qazaqistan hökümiti chégra ponkitliridiki shundaqla xitaydin kélidighan ayropilanlar qonidighan ayrodrumlardiki tekshürüshlerni kücheytken.

Xewerde éytilishiche, almuta we astane ayrodrumlirigha yoluchilarning témpératurisini ölchep közitidighan üsküniler orunlashturulghan. Xewerde éytilishiche, qazaqistan hökümiti ayrodrom we poyiz istansiliridiki tibbiy xadimlarni qush zukimi yuqturiwalghanlarni normal kishilerdin perqlendürüsh toghrisida terbiyelimekte.

Xitayda kishilerning qush zukimi bilen yuqumlan'ghanliqi téxi körölmigen. Emma ötken ay xitayning gherbiy rayonigha jaylashqan chingxey ölkiside 1000 din artuq qushning qush zukimi kiselliki bilen ölgenliki bayqalghan. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet