Қуш зукам вируси бу қетим қазақистанда байқалди

Қазақистан, пәйшәнбә күни қуш зукам вирусниң шималий қазақистанда байқалғанлиқини елан қилип, әмма вирусниң инсанларға йәткүзидиған хәвпини илгирлигән һалда ениқлашқа тоғра келиду, дәп көрсәтти.

Ройтерс ахбарат агентлиқиниң хәвәр қилишичә, шималий қазақистанда павлодар райониниң голубовка йезисидики бир бақмичилиқ фермисида, 7 - айниң ахирлири 400 дин артуқ ғаз қуш зукам вирусида өлгән.

Қазақистанниң муавин йеза игилик министири қасим муқанов, вирусниң инсанларға қанчилик хәвп йәткүзидиғанлиқи 10 - авғустқичә тәҗрибә нәтиҗиси чиққандин кейин мәлум болидиғанлиқини билдүрди. Әмма у, вирусниң һазирғичә вирус тарқалған йезидики пуқураларда байқалмиғанлиқини билдүргән. Типлиқ мәзкур зукам вирус йеқинда русийиниң новей сибириский районида байқалған.

Буниңдин илгири мәзкур вирус бу йил 5 вә 6 - айларда уйғур аптоном райониниң чөчәк вә санҗи вилайәтлиридики бақмичилиқ фермилирида байқалған иди. Вирус байқалған районларниң бири чөчәк шәһири, қазақистан чегрисиға бир қанчә километир келиду. Әмма мутәхәссисләрниң әскәртишичә, қазақистанда байқалған вирус билән, чөчәктә байқал вирусниң қандақ мунасивити барлиқиға бир немә дейиш һазирчә балдурлуқ қилидикән. Хитай һөкүмити чөчәк билән санҗида вирус байқалғанлиқини етирап қилған, әмма дуня сәһийә тәшкилатиниң адәм әвәтип тәкшүрүшигә йол қоймиди. (Әркин)