Rayis ottura asiya ellirini démokratiye yoligha ündidi

• 
  2005-10-11

Amérika tashqi ishlar ministiri kondiliza rayis, seyshenbe küni qirghizistan paytexti béshkekke yétip kélip, ottura asiya elliride élip baridighan 3 künlük ziyaritini bashlidi. Qirghizistan uning ziyaritining tunji békiti.

Rayisning tekitlishiche, uning ziyariti amérikining térrorchiliqqa qarshi kürishini qollashqa ige qilish we rayonda démokratiyini ilgiri sürüshke heydekchilik qilish iken.

Rayisning ayropilani manas ayrodromigha qondi. U, ayrodromda bayanat élan qilip, "amérikining qirghizistanda qoshun turghuzishi intayin muhim ehmiyetke ige. Qirghiz xelqi yéqindila téxi pewqul'adde bir inqilabni béshidin kechürdi. Eger ular özlirining démokratiye heqqidiki wedisige emel qilalisa, ularni téximu parlaq bir kélechek kütüwalghusi," dédi.

Rayis, qirghizistan prézidénti qurmanbeg baqiyéw bilen uchrashqanda, ikki döletning ortaq qimmet qarishigha igilikini we "biz bu ortaq qimmet qarishini qoghdaydighan aldinqi septe birge turiwatqanliqimizni yetküzimen," dep körsetti. U, démokratiye mesilisi bilen amérikining ottura asiyadiki herbiy bazilirini tilgha élip, nishanimiz ikkisining birini tallash emes, deydu.

Rayisning tekitlishiche, amérika ottura asiya elliride yéngi herbiy bazigha éhtiyaj emesken. U, shu küni qirghizistan prézidénti bilen uchrashti. (Erkin)