Кондализа райис қурманбег бақийефқа рәһмәт ейтти


2005-07-31
Share

Қирғизистанниң дөләтлик "қабар" агентлиқиниң учуриға қариғанда, америка ташқи ишлар министири кондализа райис шәнбә күни қирғизистан һөкүмитиниң өзбек мусапирлириниң романийәгә сақ –саламәт кетишигә рухсәт қилғанлиқи үчүн президент қурмабег бақийефқа телефон берип, өз рәһмитини билдүргән.

Райис ханим қурманбег бақийефқа "қирғизистан җумһурийити башқиларниң тәқип қилишидин өзини қоғдашни тәләп қиливатқан кишиләргә хәлқаралиқ ярдәм бериш чарилириға болған қоллаш мәйданини намаян қилди. Биз қирғизистанниң у йәрдә қалған башқа сиясий панаһлиқ тилигән кишиләрниң инсан һоқуқлириға нисбәтән толуқ қоғдашни капаләтләндүрүш қәдәмлирини тезлитишини үмид қилимиз" дегән.

Җүмә күни, әнҗан вәқәсидә қирғизистанға қечип кәлгән өзбек мусапирлиридин 439 нәпәр адәм б д т мусапирлар идарисиниң ярдими арқилиқ романийигә әвәтилгән болуп, өзбекистан һөкүмити тәрипидин уларниң қайтуруп берилиши тәләп қилинған иди.

Хәвәрләргә қариғанда америка қирғизистан мустәқил болғандин буян униңға бир милярд доллар әтрапида ярдәм бәргән болуп, америкиниң һәр йиллиқ ярдими қирғизистан дөләт хамчотиниң 16٪ни тәшкил қилидикән. Тәһлилләргә қариғанда америка буниңдин кейин қирғизистанға беридиған иқтисадий ярдәмлирини техиму көпәйтиши мумкин икән. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт