Kondaliza rayis qurmanbég baqiyéfqa rehmet éytti


2005-07-31
Share

Qirghizistanning döletlik "qabar" agéntliqining uchurigha qarighanda, amérika tashqi ishlar ministiri kondaliza rayis shenbe küni qirghizistan hökümitining özbék musapirlirining romaniyege saq –salamet kétishige ruxset qilghanliqi üchün prézidént qurmabég baqiyéfqa téléfon bérip, öz rehmitini bildürgen.

Rayis xanim qurmanbég baqiyéfqa "qirghizistan jumhuriyiti bashqilarning teqip qilishidin özini qoghdashni telep qiliwatqan kishilerge xelqaraliq yardem bérish charilirigha bolghan qollash meydanini namayan qildi. Biz qirghizistanning u yerde qalghan bashqa siyasiy panahliq tiligen kishilerning insan hoquqlirigha nisbeten toluq qoghdashni kapaletlendürüsh qedemlirini tézlitishini ümid qilimiz" dégen.

Jüme küni, enjan weqeside qirghizistan'gha qéchip kelgen özbék musapirliridin 439 neper adem b d t musapirlar idarisining yardimi arqiliq romaniyige ewetilgen bolup, özbékistan hökümiti teripidin ularning qayturup bérilishi telep qilin'ghan idi.

Xewerlerge qarighanda amérika qirghizistan musteqil bolghandin buyan uninggha bir milyard dollar etrapida yardem bergen bolup, amérikining her yilliq yardimi qirghizistan dölet xamchotining 16٪ni teshkil qilidiken. Tehlillerge qarighanda amérika buningdin kéyin qirghizistan'gha béridighan iqtisadiy yardemlirini téximu köpeytishi mumkin iken. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet