Rosiye qirghizistandiki hawa armiye bazisini kéngeytmekchi


2004-10-06
Share

Rosiye herbiy da'iriliri charshenbe küni bayanat élan qilip, rosiyining qirghizistandiki hawa armiye bazisida turushluq esker sanini töt hesse köpeytidighanliqini bildürdi.

Amérika birleshme axbarat agéntliqining xewirige qarighanda, rosiye da'iriliri bishkek shehirining yénidiki qent hawa armiye bazisigha yene nechche yüz esker, bir nechche ayrupilan we tik uchar ayrupilanlarni ewetidiken.

Rosiye ötken yili öktebirde kolliktip bixeterlik kélishimige asasen , qent ayrudrumida hawa armiye bazisi qurghan hemde mezkür bazigha 250 neper esker we besh dane köreshchi ayrupilanni orunlashturghan . Rosiyining bu hawa armiye bazisini qurushi, amérikining ottura asyadiki herbiy mewjüdiyitige taqabil turush üchün dep qaralghan idi.

Xewerge qarighanda, rosiye qent hawa bazisidiki esker sanini bu yilning axirighiche minggha yetküzidiken. Amérikining bishkekning sirtidiki manas ayrudurumida turushluq ming neper eskiri bar. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet