Özbékistan -rusiye bixeterlik da'iriliri dawamliq pütüshti


2007-10-14
Share

11-Öktebir küni özbékistanning buxara shehiride özbékistan bilen rusiye bixeterlik sahesi özining beshinchi qétimliq xizmet uchrishishini axirlashturup, xulase süpitide ikki dölet razwétka sahesining hemkarliship ishlishi heqqide kélishim tüzgen.

Perghane agéntliqining uchurliridin qarighanda, rusiye fédéral bixeterlik orgini yeni sabiq k g b orginining rehbiri nikolay patrushéw bilen özbékistan milliy bixeterlik orgini rehbiri rustam inayetow bu qétimqi uchrishishqa rehberlik qilip, kélishimge imza qoyghan.

Ikki terep söhbetliride térrorizmgha, diniy esebiylikke qarshi ortaq küresh qilish muzakire qilinish bilen birge yene térrorizmgha qarshi küresh qilish tedbirliri ishlep chiqilghan hemde razwétka sahesige munasiwetlik pen-téxnika hemkarliqi boyichimu pütüshüm hasil qilin'ghan.

Xewerge asaslan'ghanda yene özbékistan bixeterlik xadimlirini rusiyining bixeterlik xadimlirini terbiyilesh mektepliride terbiyilep bérish heqqidimu kélishim hasil qilin'ghan. Chet'ellerdiki özbékistan öktichilirining bildürüshiche, tashkent rehberliri 1992 - yilidin étibaren rusiye bixeterlik da'iriliri bilen hemkarliship, rusiyige qéchip bérip panahlan'ghan özbékistan öktichilirini tutush we zerbe bérish opératsiyilirini élip barghan bolup, rusiye bixeterlik da'iriliri izchil türde tashkent bilen hemkarlashqan. 2005 - Yilidiki enjan weqesidin kéyin tashkent bilen gherb arisidiki munasiwet buzulup, özbékistan bilen rusiye hetta xitay bixeterlik sahesidiki hemkarliqlar téximu ashqan. Özbékistan, bixeterlik sahesi xuddi sowét ittipaqigha oxshashla ottura asiya rayonida eng aktip ishlewatqan memliket hésablinidiken.

Kanada puqrasi Uyghur hüseyin jélilningmu ene shu tashkent bixeterlik da'iriliri teripidin tutulup, xitaygha bériwétilgenliki melum. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet