Rusiye bilen qirghizistan birleshme herbiy manéwir ötküzdi


2006-10-05
Share

‏10-Ayning 5‏- küni rusiye bilen qirghizistan térrorchiliqqa qarshi birleshme herbiy manéwir élip bardi. Qirghizistanning jenubidiki taghliq rayonda élip bérilghan bu qétimqi manéwirgha rusiye we qirghizistan alahide qisimliri qatnishidiken.

Roytris agéntliqining béshkekdin xewer qilishiche, gerche rusiye we qirghizistan hökümetliri bu qétmqi manéwirning rayonda künséri küchiywatqan radikal slam tehditining aldini élishta ikki dölet otturisidiki herbiy hemkarliqni kücheytishni meqset qilghanliqini tekitligen bolsimu, emma analizchilar bu manéwir rusiyining ottura asiyadiki herbiy tesirini kücheytish pa'aliyitining bir qisimi dep körsetmekte. Ularning éytishiche, amérikining ottura asiyadiki herbiy mewjudiyitidin bi'aram bolghan rusiye, bundaq manéwirlarni ötküzüsh arqiliq rayonidiki tesirini köpeytishke tirishmaqta.

Rusiye mudapi'e minstiri sérgi iwanof, manéwir axirlashqandin kéyin béshkekte bergen bayanatida, biz ittipaqdashlirimizgha herbiy jehettinmu yardem bérishke teyyar, dégen. Iwanof manéwirdin burun qirghizistan prézidénti qurmanbék baqiyif bilen ötküzügen söhbtide, rusiyining herbiy yardem qatarida qirghizistan'gha herbiy ték ucharlar béridighanliqini bildürgen.

Gerche rusiye we qirghizistan ottura asiya rayonida radikal islam tehditining künséri küchiywatqanliqini tekitligen bolsimu, emma xelq'ara kishilik hoquq teshkilatliri ottura asiya döletlirini térrorchiliqqa qarshi urushtin paydilinip siyasiy öktichilerni basturuwatidu dep eyiblimekte.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet