Uyghur siyasiy pa'aliyetchisi sabit abduraxmanning depne murasimi ötküzüldi

• Ixtiyari muxbirimiz abdullaning bu heqtiki melumati
• Download story audio

Merhum sabit abduraxman ependi (tartilghan yili namelum)

Chet'ellerdiki sherqiy türkistan musteqilliq kürishining péshiwasi, Uyghuristan azadliq teshkilatining qurghuchisi rehberliridin biri bolghan sabit abduraxman ependi 14-iyul küni almatadiki öyi aldida qatnash weqesi bilen tuyuqsiz wapat boldi. U alemdin ötkende 78 yashqa kirgen idi.

Merhum sabit abduraxman ependi 1928 - yili qazaqistanda tughulghan bolup, u 1930 - yillarda ata-anisi bilen ghuljigha köchüp kélip, shu yerde ma'arip terbiyisi alghan. Shundaqla u kéyin 1944 - yilidiki milliy azadliq inqilabining qatnashquchisi bolush süpiti bilen ghulja shehirini azad qilish jenglirige qatnashqan. Shundaqla shu sewebtin bir qanche qétim türmilerge tashlan'ghan.

15-Iyul küni merhum sabit abduraxman ependining depne murasimi ötküzülgen bolup, uning jesidi duruzhbidiki Uyghur qebristanliqigha depne qilindi. Depne murasimida Uyghurlarning ataqliq ziyaliyliri we siyasiyonliri söz qilip, merhum sabit abduraxmanning küreshchan hayatigha yuqiri baha berdi.

Bu heqtiki tepsili melumatlarni qazaqistandiki ixtiyari muxbirimiz abdulladin anglang.

Xoshlishish

Sabit abduraxman

(Wapat bolushtin birqanche kün burun yazghan) men idim Uyghur oghli sabit dégen, bextsiz millitimning ghémini yigen, intildim arminimgha yételmidim, shunchilik qisqa iken ömür dégen. Ot idim yalqunlighan öchtüm emdi, hayatliq dunyasidin köchtüm emdi, samada chaqnighan bir yultuz idim, quyulup qara yerge chüshtüm emdi. Men kettim tünde aqqan yultuz bolup, weten qaldi söyelmigen bir qiz bolup, arqamda Uyghurname kitab qaldi, yashighan hayatimdin bir iz bolup. Kitabim elge sun'ghan hediyem méning, uni oqar ewladim newrem méning, qedrimni izlimenglar qara yerdin, xelqimning yürikide qebrem méning.