Qazaqistanda parlamént saylimi ötküzüldi


2004-09-19
Share

Qazaqistanda yekshenbe küni parlamént saylimi ötküzüldi. Bu qétimqi saylamda qazaqistan parlaménti töwen palatasining 80 ge yéqin ezasi saylinidu.

Hazirghiche parlaméntning towen palatasidiki köp sanliq orunni prizdént nazabayofning partiyesi kontrol qilip kelgen . Közetküchiler, bu qétimqi saylam netijisi qazaqistan hökümitining siyasi islahat élip bérish niyitining bar yoqlighini sinaydighan sinaq bolupqalidu dep qarimaqta. Xewerlerge qarighanda parlamént saylimini nechche yüz kishilik xelqara küzetküchilerning nazariti astida élip bérilghan. Saylamgha qazaqistandiki 12 siyasi partiye ishtirak qilghan bolup, saylamgha qatnashqan partiyelerning üchi prizidént nazarbayéfni qollighan. Ikki partiye siyasi islahat élip bérishni telep qilip, nazarbayéf jemetini xiyanetchilik bilen tenqitligen.

Bu yilning bashlirida prizidént nazarbayéfning qizi darighaning siyasi partiye qurushi, qazaqistan siyasi sehnisidiki hoquq kürishini téximu murekkepleshtüriwetken idi . Darigha dadisini qollaydighanliqini, biraq prizidéntning etrapidiki hoquqdarlarning manapolluq ornigha xatime béridighanliqini jakalighan. Darighaning siyasi sehnisige chiqishi, öktichilerdiki nazarbayéf qizini özige waris qilip teyyarlawatidu digen endishini qozghighanti . Yekshenbe künki saylamda köp qisim jaylardiki bilet sanduqlirigha éliktronluq bilet tashlash eswapliri orunlashturulghan. Britaniye radi'o - téléwiziye shirkiti b b s xewer qilishiche, nurghun kishiler éliktronluq bilet tashlash eswaplirigha ishinip kételmeydighanliqini bildürgen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet