Közetküchiler qazaqistandiki saylamning erkin we adaletlik ötmigenlikini bildürmekte

Düshenbe küni, xelq'ara közetküchiler ötken hepte axirida qazaqistanda ötküzülgen parlamént saylimining erkin we adaletlik ötmigenlikini bildürdi.

Qazaqistanda yekshenbe küni ötküzülgen parlamént saylimini yéqindin közetken yawrupa bixeterlik we hemkarliq teshkilati, qazaqistan hökümitining mezkur teshkilatqa bergen wedilirige emel qilmighanliqini we saylamning xelq'ara démokratik saylam ölchemlirige toghra kelmeydighanliqini bildürdi.

Qazaqistanda ötküzülgen parlamént sayilimida, qazaqistan prizdénti nursultan nezerbayifning "otan", yeni "weten" partiyisi birinchi we uning qizi darigining "asar" partiyisi ikkinchi eng köp awazgha érishken partiye bolup parlaméntqa kirgen.

Qazaqistanda ötküzülgen saylamgha, qazaqistandimu köp kishiler naraziliq bildürmekte. Roytérs agéntliqining xewer qilishiche, qazaqistan axbarat ministiri altunbik sarsanbay owlo, saylamning adaletlik ötmigenlikige naraziliq bildürüp, wezipisidin istipa bergen. U öz istipanamiside, saylam erkin we adaletlik bolmidi, shunga bu hökümetning bir ezasi bolup turushni toghra körmeymen, digen. (Qanat)