Afghanistan saylimi öktichi namzatlarning bayqut qilishigha uchridi


2004-10-10
Share

Afghanistandiki tarixiy xarektirlik prizidént saylimida oylighandek zorawanliq weqeliri yüz bermidi, biraq hamit karzaydin bashqa qalghan 15 namzat saylamni bayqut qildi.Saylighuchilar shenbe küni etigen sa'et 5 yérimda bilet tashlashqa bashlighan. Bilet sanduqi chüshtin kéyin sa'et 2 yérimlarni taqaldi. Biraq namzatlar ichidiki hamit karzaydin bashqa qalghan 15 namzat, saylam jeriyanida yolsizliq weqeliri yüz bergenlikini ilgiri sürüp saylamni bayqut qildi. Saylamni bayqut qilghan namzatlar, bezi rayunlarda bilet tashlighuchilarning qoligha asan öchüp kétidighan boyaq sürkelgenlikini ilgiri sürgen. Esli b d t ning orunlashturushi boyiche saylighuchilarning qoligha asan öchüp ketmeydighan boyaq sürkesh arqiliq saylighuchining bilet tashlap bolghanliqini perqlendüroletti.

B d t bayanatchisi namzatlarning bilet tashlashni toxtutush heqqidiki telipini ret qilghan. Biraq yuqirqi naraziliqlar sewebidin saylamning netijisini élan qilish 3 kün kéchiktürüldi. Namzatlar ichidiki hazirqi prizidént hamit karzayning eng küchlik riqabetchisi yunus qanuni, shenbe künki saylamni qanunsiz dep jakalighan. Hamit karzay bolsa prizidént saylimini bayqut qilish dimukratiyege qarshi herket dep tenqitlidi. U, namzatlar afghan xelqining iradisi we arzusini hörmet qilishi kérek dep tekitligen. Saylamda közetküchilik rol oynighan yawropa bixeterlik we hemkarliq teshkilatining küzetküchiler guruppisi, bezi namzatlarnng saylamni inawetsiz qilish toghrisidiki telipini ret qilghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet