Ottura asiyadiki diktatorlar gherb elliridin "inqilap" éksport qilmasliqni telep qildi


2005-01-28
Share

Özbékistan bilen qirghizistan prézidéntliri, gherb döletlirining ottura asiya ellirige ukra'iniye istilidiki "inqilab" éksport qilishigha qarshi turidighanliqini bildürdi.

Roytérs axbarat agéntliqining bildürüshiche, ukra'iniye bilen groziyidiki inqilab ottura asiyadiki rehberlerni chöchitishke bashlighan. Özbékistan prézidénti islam karimof jüme küni özbékistan parlaméntida söz qilip, bezilerning groziye bilen ukra'iniyide munewwer unsurlar qozghighan özgürish bashqa döletler üchün ölge bolalaydu, dep qaraydighanliqini tekitligen.

Kerimof, "men shuni agahlandurimenki, her qandaq nerse qanun boyiche bolushi kérek shundaqla biz qanunning cheklimisidin halqip ketkenlerni tosaymiz" dep sözligen. Gherb ellirini öktichilerge iqtisadi yardem bérish bilen tenqidligen kerimof, parlaméntning échilish murasimigha qatnashqan gherb diplomatliri ghaqarap, " u yerde ulturghanlar buni téximu yaxshi chüshinishi kérek," dep agahlandurghan.

Shu küni qirghizistan pré'izidénti esqer aqayéf, qirghizistandiki ammiwi naraziliqning ichki urush weziyitige oxshap qéliwatqanliqini tekitligen. Esqer akayéf rusiye "nézawésmaya géziti" ning ziyaritini qobul qilghanda, ukra'iniye istilidiki inqilabni qirghzistan'gha téngishning intayin xeterlik bolidighanliqini eskertip, " bu xil inqilab téxnikisining ünüm bérishi üchün, démokratiye qirghizistanda yiltiz tartqan bolushi kérek, dep körsetken. Qirghizistanda bu yil 9 - we 10 - aylarda parlamént saylimi bilen prézidént saylimi élip bérilidu. Öktichiler esqer akayéfni yene bir qarar prézidént bolushni pilanlash bilen eyiblimekte. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet