Qirghizistanda parlamént saylimi ötküzüldi
2005.02.27
Qirghizistan puqraliri yekshenbe küni ötküzülgen parlamént saylimida bilet tashlidi. Bu qétimqi saylam qirghizistanning démokratiyini ilgiri sürüsh heqqide bergen wedisige qaritilghan bir qétimliq sinaq dep qaralmaqta.
Roytiris agéntliqining xewirige qarighanda, qirghizistan xelqi 400 dek kandidat ichidin, yéngidin islah qilin'ghan bir palataliq parlaméntning 75 ezasini saylap chiqidu. Saylam, qirghizistandiki 2000 din artuq saylam ponkitlirida élip bérilghan.
Bu arida, öktichi küchler saylamda kemchiliklerning körülgenlikini jakarlidi. Ular, hökümetning her xil oyushushlarni chekligenlikini hemde özlirining köz- qarashlirini dölet téléwizorlirida bérishni ret qilghanliqini bildürüp, bu qétimqi saylamni erkin we adil bolmidi dep körsetti.
Gerche prézidént esqer aqayéf bu yil wezipisidin chüshidighanliqi heqqide wede bergen bolsimu, emma öktichi küchler, esqer aqayéfning yéngidin saylinidighan parlaméntta küchlük kontrolluqni igilep, asasiy qanun'gha özgertish kirgüzüsh arqiliq, bu yil öktebirdiki prézidént saylimida qayta hoquq igilishidin endishe qilmaqta.
Yekshenbe künidiki saylamning harpisida, qirghizistanning bir qanche yerliride keng kölemlik namayish yüz bérip, saylam bélitide tesir küchi küchlük bolghan bir qanche öktichilerning ismining yoqliqigha naraziliq bildürgen. Tong rayunidiki xelq bolsa, özliri qollaydighan kandidatning saylam hoquqi élip tashlan'ghandin kiyin, yollarni tosup namayish ütküzgen. Shonga bu rayundiki saylam ikki hepte kichiktürülgen. (Arzu)
Munasiwetlik maqalilar
- Qirghistanda narazliq bildürgüchilerning herkiti dawamlashmaqta
- Öktichiler rehbiri arslanbégning saylam hoquqining élip tashlinishi kishilerning naraziliqini qozghidi
- Qirghizistan parlamént saylimining harpisida weziyet jiddileshmekte
- Qirghizistandiki namayishchilar xitaygha tutushidighan yolni tosidi
- Qirghizistan parlamént saylimi heqqidiki qarashlar(2)
- Qirghizistan parlamént saylimi heqqidiki qarashlar (1)